చాల రోజుల తర్వాత ...||

25.02.2013

చాల  రోజుల తర్వాత   నీ  దర్సనం  నా  కనుల  ముంగిట  హరివిల్లై  పలకరించగా

కొన్ని నిమిషాలలోనే ఆ సంతోషం కల గ మిగిల్చి వెళ్ళిపోయావ నేస్తం

నీ మాటకై వేచాను  నీ రాకకై చూశాను

నీ మాటకై వేచిన ఆ  క్షణమున - యెదలో అలజడి రేపిన నీ మౌనం చూసి

గుండె పగిలి ఆవేదనతో  హృదయజ్వాల రగులుకున్నది

నీవు రావు అనే  ఆ క్షణములు నను చుట్టుముట్టి

అవహేళన చేసాయి, ఆ  బాధతో తట్టుకోలేని నా మనసు

నా కనుల తీరానా ఉప్పు కెరటాలను ఓదార్చలేక

ఏనాటికైనా నీ పాదాన్ని తాకుతాయి అనే ఓ చిన్ని ఆశతో

కటిక చీకటిలో  కన్నీటి  కడలితో చేయి కలిపింది

ఎంత అవమానం ఎదురైనా నా మనసు నీ రూపాన్ని చేరగనివ్వదు

నాలోని ఆశను భంగం కానివ్వదు ఆ ఆశే  " నీ వస్తావని "

***

నిండు నూరేళ్ళు నీతో సంతోషం గా జీవించాలని అనుకున్నా

కాని నీతో గడిపినా జ్ఞాపకాల ఒడిలో సేద తీరుతున్న

నీ ప్రేమతీరం అద్దరిన నా ఊహలనావకు చోటు ఇచ్చావు

ఆ తీరం లోని వీచే గాలులు ఓ మధుర జ్ఞాపికలై నను తాకగా

నీ చల్లని స్పర్స తలపే  నా మదిలో ఊయల ఊగసాగెనె

కాని

ఇలలో నీవు లేని క్షణమే నా మదిని హేళన చేయగా

కడలి పిలుపునకు చేరువయ్యాను...ఊపిరి అందక కలిసిపోయాను